Në një konferencë për shtyp kancelari gjerman Olaf Scholz u ka bërë thirrje vendeve anëtare të Be-së për dhënien e më shumë mbështetjeje ushtarake për Ukrainën, e cila po lufton kundër agresionit rus.
“Dërgesat e armëve për Ukrainën, të planifikuara nga shumica e vendeve anëtare të BE-së tani, janë shumë të vogla… unë u bëj thirrje aleatëve tanë në Bashkimin Evropian që gjithashtu t’i rrisin përpjekjet e tyre për Ukrainën”, tha Scholz.
Gjermania është mbështetësja e dytë më e madhe ushtarake e Ukrainës, pas Shteteve të Bashkuara të Amerikës. Kievi ka paralajmëruar se financat publike do të jenë në rrezik të madh, nëse do të ndalen ndihmat nga Perëndimi./vizionplus.tv