Një shpërthim tritoli ka tronditur zonën e Shkozës në Tiranë në orët e para të mëngjesit të kësaj të hënë.
Një sasi eksplozivi është vendosur pranë një marketi, objekt në pronësi të Lulzim Likës, babait të Aldo dhe Ali Likws, të shpallur në kërkim nga policia si autorë të dyshuar të atentatit ndodhur një jave më parë ndaj Kejdi Spajës.
Lexo edhe :
Related Posts
Në këtë atentat mbeti i plagosur në këmbë shoku i Spajës, efektivi i policisë Anxhelo Kumaraku.
Burime bëjnë me dije se ngjitur me marketin ndodhet edhe një lokal i cili është në pronësi të djalit tjetër të familjes Lika.
Grupi hetimor pistë kryesore ka hakmarrjen, për shkak të atentatit të mbrëmjes së 18 majit.
Kamerat e sigurisë kanë filmuar autorin e vendosjes së tritolit, i cili i maskuar lë sasinë plasëse dhe më pas largohet në këmbë në rrugica. Dyshohet se është larguar drejt zonës së Freskut duke humbur gjurmët.
Dy vëllezërit e shpallur në kërkim Aldo dhe Ali Lika përpara disa muajve kanë patur një konflikt për një çështje borxhi me Kejdi Spajën. Ky i fundit mw heret ka dhunuar dy vëllezërit për shkak se këta të fundit nuk i kishin kthyer 10 mijë euro borxh që i kishin marrë për bixhoz.
Pas konfliktit Spaja qarkullonte i armatosur pasi i druhej një atentati. Në muajin janar ai kapet në një automjet me një pistoletë nga policia ku gjykata e lë në arrest shtëpie.
Spaja e thyente masën e sigurisë duke dalë jashtë banesë. Mbrëmjen e 18 majit ai ishte së bashku me shokun e tij policin Kumaraku në afërsi të banesave të tyre kur iu bë dhe atentati. plumbat që prekën në këmbë efektivin e Komisariatit nr 4.
Gjatë dëshmisë së tij para hetuesve, Kumaraku deklaroi se nuk kishte njoftuar strukturat policore për thyerjen e masës së sigurisë nga fqinji i tij. Ai ka pohuar gjithashtu se me të njiheshin prej vitesh, që nga fëmijëria, dhe se në momentin e atentatit ndodheshin në një rrugicë pranë banesës.
