Parlamenti Europian ka votuar sot rezolutën që kërkon njohjen e ndërsjelltë mes Kosovës dhe Serbisë. Ne dokument theksohet se vetëm pranimi i pavarësisë është zgjidhje për dialogun ndërmjet Beogradit dhe Prishtinës.

Rezoluta u bën thirrje të dyja vendeve të normalizojnë marrëdhëniet bazuar në njohjen reciproke. Edhe pse ajo nuk është detyruese, dokumenti konsiderohet shumë i rëndësishëm në përkrahje të Kosovës.

Raportuesja për Kosovën në Parlamenti Europian, Viola von Cramon tha se raportet mes dy vendeve do të normalizohen.

 

VIOLA VON CRAMON

RAPORTUESJA PER KOSOVEN NE PE

Vota e sotme dëshmon përkushtimin e Parlamentit për integrimin e Kosovës në BE dhe jep një udhëzime se si mund të zbatohen standardet evropiane në Kosovë. Kosova ka dëshmuar në vazhdimësi përkushtimin për të avancuar në reformat e lidhura me BE-në dhe është pozicionuar qartë si një partner i besueshëm, i fuqishëm i lidhur me aleancën evropiane dhe transatlantike.

 

Cramon edhe njëherë i ka bërë thirrje BE-së për liberalizimin e vizave.

 

VIOLA VON CRAMON

RAPORTUESJA PER KOSOVEN NE PE

 

Për fat të keq, BE-ja ka dështuar që të sigurojë lëvizjen pa viza për qytetarët e Kosovës. Unë shpresoj vërtetë se ky është raporti i fundit ku përmendet dështimi i liberalizimit të vizave.

 

Kjo është hera e parë që Parlamenti Europian specifikon me një rezolutë njohjen e ndërsjelltë mes dy vendeve dhe pas kësaj rezolute rrjedha e dialogut pritet të ndryshojë në favor të Kosovës.

 

Leave a Reply

Your email address will not be published.