Policia e Durrësit vuri në pranga një 33-vjeçar që kërkohej nga autoritetet. Shtetasi me inicialet G. P. u arrestua gjatë operacionit të koduar “Pranvera”.
Ai fshihej në një local të marrë me qira në Durrës. 33-vjeçari kërkohej sepse Gjykata e Kurbinit i ka vendosur masën e sigurisë “Arrest në burg” për veprën penale “Ndihma për kalim të paligjshëm të kufirit”.
Në vitin 2016 ai është dënuar për plagosje dhe armëmbajtje pa leje, kurse në 2010 për vjedhje.
Në lokal efektivët gjetën një armë zjarri pistoletë dhe 2 krehër me 15 fishekë, të cilët u sekuestruan në cilësinë e provës materiale.
