Nuk ka qenë thjesht një drekë, por ka pasur edhe diskutim për situatën politike aktuale. Kështu e ka vlerësuar nga Korça, ambasadori austriak drekën e kreut të opozitës Basha me ambasadorët e huaj në Tiranën zyrtare.
Johann Sattler: Dreka e sotme është diçka pozitive dhe unë mendoj se çdo gjë që i bën njerëzit së bashku është diçka pozitive dhe në këtë sens unë them që ishte një hap pozitiv.
I pyetur nëse u diskutua apo u vendos diçka për çadrën e protestës, diplomati Satter thekson se është koha që Basha të lëvizë për një të ardhme më të mirë për qytetarët e këtij vendi.
Johann Sattler: Për këtë duhet pyetur zoti Basha për mund të them se çdo lider dhe qytetar ka të drejtën e protestës dhe shprehjes së zemëratës së tyre por gjithashtu ata kanë pritshmëri dhe shumë gjëra për të bërë në parlament kur të rikthehen duke theksuar reformën në drejtësi. Rama ka lëvizur 4 ministra, mos është rradha e Bashës për të lëvizur tani?
Ambasadori austriak i bëri këto deklarata gjatë një takimi me kryetarin e bashkisë së Korçës.
