Medon Berisha është rikthyer në dispozicion të skuadrës te Leçe pas një periudhe të gjatë jashtë fushave për shkak të dëmtimit.
Mesfushori shqiptar ka kaluar një proces të gjatë rikuperimi pas dëmtimit serioz që e la për një kohë të konsiderueshme larg futbollit.
Në muajin mars, Leçe bëri të ditur se Berisha nuk do të ishte më i gatshëm për pjesën e mbetur të sezonit, duke nisur kështu një periudhë të gjatë rehabilitimi.
Rikthimi i tij në listën e lojtarëve të grumbulluar për ndeshjen ndaj Romës përbën një hap të rëndësishëm në këtë proces.
Edhe pse nuk pati mundësinë të zbresë në fushë në humbjen 4-0 të Lecce-s, prezenca e tij në skuadër është një sinjal inkurajues pas muajsh mungesë.
Berisha konsiderohet një nga talentet me potencial të madh për të ardhmen e Kombëtares shqiptare.
