Të paktën 14 persona, mes tyre dhe dy fëmijë humbën jetën, pasi një helikopter i ushtrisë spanjolle u rrëzua mbi një furgon. Mediat vendase raportojnë se në helikopter kishte zyrtarë të lartë të vendit të cilët kishin shkuar për tu ardhur në ndihmë njerëzve të lënduar si pasojë e një tërmeti 7.2 ballë që tronditi Meksikën të shtunën.
Në mesin e viktimave janë 9 gra, 4 burra dhe dy fëmijë.
Ministri i brendshëm i Meksikës dhe guvernatori i shtetit jug-perëndimor Oahaka, ishin në bordin e helikopterit, por nuk kanë lëndime serioze për jetën.
Dëshmitarët thanë se gjatë rrëzimit të helikopterit ishte errësirë, gjë e cila mendohet se e ka vështirësuar uljen në tokë të pilotit.
Meksika u trondit mëngjesin e së shtunës nga një tërmet me magnitudë 7.2 ballë. Gjatë një vlerësimi paraprak, zyra e mbrojtjes civile e Oaxacas njoftoi se tërmeti shkaktoi dëme të mëdha materiale në shtëpi dhe biznese, por fatmirësisht nuk ka njoftime për të vdekur.
Më 7 shtator 2017, një tërmet me magnitudë 8.1 goditi Meksikën jugore, duke vrarë të paktën 98 persona, ndërsa dy javë më pas, një tjetër lëkundje me magnitudë 7.1 ballë, shkaktoi të paktën 350 viktima.
