Katër shqiptarët që përfaqësojnë Zvicrën në kupën e botës që po zhvillohet në Rusi, janë bërë objekt diskutimesh kohet e fundit për shkak të debateve që prodhoi festa e tyre me simbolin e shqiponjës në golat e shënuar kundër Serbisë.
Një festim I natyrshëm që lidhet me gjëndjen emocionale që prodhon tek shqiptarët e Kosovës, e kaluara me histori masakrash të ish Jugosllavisë ndaj popullatës shqiptare në Kosovë.
Ky festim I Xhakës dhe Shaqirit ndau në dysh edhe vetë zviceranet, edhe pse realisht shumica e tyre nuk e shihnin këtë veprim si të gabuar.
Në kuadër të kësaj situate gazeta e mirënjohur zvicerane “Tages Ainziger” ka bërë një reportazh në Kosovë, vendi prej të cilit e kanë prejardhjen yjet më të mëdhenj të kombëtares zvicerane të futbollit, në prag të ndeshjes Zvicër-Suedi.
Pjesa më e madhe e reportazhit ka qënë e fokusuar në fshatin Zhegër nga I cili ka prejardhjen ylli I kombëtares helvete Xherdan Shaqiri.
“Hajde Zvicër. Kështu thërrasin banorët e këtij fshati”, shkruan Ainziger në një nga pjesët e reportazhit.
Reportazhi nxjerr në pah mbështetjen e kosovarëve për këtë kombëtare, aty ku thuajse gjysma e lojtarëve titullarë dhe ata që kanë shënuar golat decisive janë shqiptar të Kosovës apo edhe të Maqedonisë.