Deputeti i Partisë Mundësia, Agron Shehaj, është përjashtuar me 60 ditë nga punimet e Kuvendit.
Vendimi u mor nga Sekretariati për Procedurat, Votimet dhe Etikën, pas kërkesës së paraqitur nga 13 deputetë të Grupit Parlamentar të Partisë Socialiste.
Masa disiplinore vjen pas incidentit të ndodhur të hënën në seancën plenare, kur Shehaj rrëmbeu dokumentin e klasifikuar sekret që lidhej me marrëveshjen e huasë mes Shqipërisë dhe Shteteve të Bashkuara të Amerikës, duke u larguar me të nga salla e Kuvendit.
Socialistët e cilësuan veprimin një shkelje të rëndë të rregullores dhe kërkuan jo vetëm marrjen e masës disiplinore, por edhe referimin e çështjes pranë SPAK-ut.
