Profesor Artan Pogoni ka ndërruar jetë në moshën 54-vjeçare, pas një arresti kardiak gjate pushimeve në qytetin e Vlorës.
Pogoni ka qenë një ndër personalitetet e sportit të volejbollit dhe jo vetëm. Ai ka shkëlqyer, si drejtues i lartë sporti, si trajner ka lënë gjurmë në volejbollin e femrave.
Artan Pogoni ia kushtoi jetën zhvillimit të shkencave të sportit, veçanërisht në fushat e rekreacionit sportiv, metodologjisë së stërvitjes dhe edukimit fizik.
Ai ishte autor i 12 publikimeve shkencore dhe dy teksteve universitare.
Përtej karrierës akademike, Pogoni ishte i angazhuar drejtpërdrejt në sportin elitar. Ai ka qenë drejtor sporti në Bashkinë e Tiranës.
Emri i tij ishte i pranishëm edhe në debatet publike për problematikat e sportit shqiptar, ku shpesh ka ngritur shqetësime për mënyrën e organizimit dhe funksionimit të federatave sportive.
Pogoni ishte i ftuar mbrëmjen e së dielës në STUDIO SPORT në Vizion Plus.
