Ministri i Kulturës, Turizmit dhe Sportit, Blendi Gonxhja, ka zbuluar këtë të martë në Quo Vadis se sa ishte shuma që fitoi Shqipëria nga koncerti i Kanye West.
Ai tha se në total ishin 53 milionë euro, por drejtpërdrejt në Shqipëri hynë 35 milionë euro.
Sipas tij, nëse koncerti nuk do të ishte bojkotuar, nuk do të ishte shantazhuar dhe sabotuar, fitimi do të kishte qenë shumë më i madh.
Pjesë nga biseda:
Gonxhja: Kryeministri tha se ne japim 4.3 milionë, por marrim 100 milionë?
Borakaj: Në një kohë normale, pa kërcënime, pa shantazhe e deri në nivele sabotimi e minimi, në gjithçka. Një strukturë që kushtonte 2.2 milionë euro, një stadium provizor që montohet dhe çmontohet, u paraqit sikur kushtonte 60 milionë euro, sipas një politikani.
Gonxhja: Sa fituam ne?
Borakaj: Jo, ideja ishte se ne po ndërtonim një stadium 60 milionë euro për një këngëtar. Ai ishte një koncert, një ngjarje globale. Ai është një artist në TOP 5.
Gonxhja: Ne sa fituam?
Borakaj: Vetëm fakti që ai koncert do të zhvillohej në Shqipëri ishte një bekim. Atë ditë, Shqipëria u kërkua në Google 115 herë më shumë se zakonisht. Nëse do të ishim në kushte normale, nëse nuk do të na bojkotonin, do të kishim një impakt ekonomik edhe më të madh nga sa na dha. Drejtpërdrejt në Shqipëri hynë 35 milionë euro.
Gonxhja: Si i llogarisni këto?
Borakaj: Është xhiro ekonomike. Duke pasur mbi 23 mijë të huaj, e gjithë xhiroja e qëndrimit të tyre, siç e keni nxjerrë edhe në intervistat tuaja, me një mesatare të lartë qëndrimi prej 3 deri në 7 ditë, shpenzimet e tyre janë të matura. Klientela e atij eventi ishte një mrekulli. Ajo klientelë harxhon, nuk fle nën ura.
