Camila Cabello, mund të jetojë përpara syrit të publikut, por kjo nuk do të thotë se dëshiron të zbulojë çdo element të jetës së saj, si për shembull dashurinë. Ish anëtarja e grupit “Fifth Harmony”, ka dhënë një intervistë për numrin e fundit të revistës “Latina”, ku tregon për herë të parë arsyet e saj për këtë vendim:
“E kuptoj pse njerëzit interesohen mbi jetën time personale, por unë nuk dua t’ju jap atyre atë pjesë aq private dhe të rëndësishme.”
Ylli 20-vjecar e lindur ne Kubë, vijon më tej: “Kjo është jeta që kam ëndërruar gjithmonë. Unë dua të bëj këngë dhe të krijoj eksperienca të pabesueshme me njerëzit. Por në të njëjtën kohë nuk dua të mbyllem në dhomën e ndonjë hoteli, dhe jeta ime të rrotullohet vetëm në konferencat për shtyp e tapetin e kuq.Kjo nuk është jeta që dua të jetoj. Dua të bëj muzikë, por në të njëjtën kohë të kem mundësi të udhëtoj me miqtë e mi. Dua të fle në kamping në Europe. Dua të takoj një djalë spanjoll në Spanjë dhe të bie në dashuri.”
