Meghan Markle ka nisur festimet për ditëlindjen e saj të 45-të duke ndarë me ndjekësit disa momente të veçanta nga festa. Dukesha e Sussex-it festoi ditëlindjen të martën, më 4 gusht, dhe publikoi në llogarinë e saj personale në Instagram dy fotografi bardhë e zi.
Në njërën prej fotove, Meghan shfaqet me kostum banje dhe syze dielli, duke u hedhur në një pishinë ndërsa mban në dorë një tufë balonash. Në foton tjetër shihet momenti pasi është futur në ujë, ndërsa njëra dorë vazhdon të mbajë lart balonat. Sipas një burimi pranë saj, fotot janë realizuar nga një mik gjatë një feste të hershme ditëlindjeje në Kaliforni.
View this post on Instagram
“Faleminderit për gjithë dashurinë për ditëlindjen!”, shkroi Meghan krahas fotove të publikuara në mëngjesin e ditëlindjes së saj. Edhe marka e saj e stilit të jetesës, “As ever”, i kushtoi një urim të veçantë, duke publikuar foto të Meghanit dhe një imazh të saj nga fëmijëria.
Zakonisht, Meghan i feston ditëlindjet në mënyrë private me bashkëshortin e saj, Princ Harry, dhe fëmijët e tyre, Princ Archie dhe Princeshë Lilibet. Vitin e kaluar, çifti festoi 44-vjetorin e saj me një darkë në një restorant luksoz në Beverly Hills, të cilën Meghan e cilësoi si një nga pesë vaktet më të mira të jetës së saj.
Kjo verë ka qenë e ngarkuar për familjen e Meghan dhe Harryt. Muajin e kaluar ata udhëtuan në Europë me fëmijët e tyre, duke kaluar kohë në Portugali, një destinacion që, sipas burimeve pranë familjes, është kthyer në një vend të veçantë pushimi për ta.
Pas kthimit në Shtetet e Bashkuara, Meghan vijoi angazhimet publike duke promovuar dokumentarin “Cookie Queens”. Ajo mori pjesë në një shfaqje speciale në Los Anxhelos dhe më pas surprizoi një grup vajzash të “Girl Scouts” në Kaliforni, duke u prezantuar atyre filmin.
/vizionplus.tv
