Në Mallakastër, zjarrfikësit vijojnë betejën me flakët, edhe pse situata tanimë duket nën kontroll.
Në zonën Panahor–Ndrenie–Vlosht, përveçse ndërhyrjes nga toka, është punuar edhe nga ajri dhe aktualisht nuk ka rrezik për banesat.
Edhe vatra në zonën Koilaç–Greshicë është nën kontroll dhe nuk paraqet rrezik për zonat e banuara.
Të favorizuara nga era e fortë dhe temperaturat e larta, flakët përfshinë kodrat e thepisura të zonës, të njohur si “Mallakastra e Egër”, duke rrezikuar që zjarri të merrte përmasa të rrezikshme.
Ndërkohë, në Tiranë, në zonën e Dajtit, pranë një fabrike, gjatë janë rishfaqur disa vatra zjarri, megjithatë nuk ka rrezik për zonat e banuara. Edhe në Priskë të Madhe vijon puna për vënien nën kontroll të disa vatrave të vogla.
Në Cikallesh të Kavajës, nga ana tjetër, vatra ka rënë ndjeshëm në intensitet dhe po shkon drejt shuarjes së plotë, pas ndërhyrjes së forcave zjarrfikëse dhe mbështetjes ajrore nga Forcat e Armatosura.
/vizionplus.tv
