Pas barazimit 0-0 mes Shqipërisë dhe Serbisë mbrëmjen e djeshme në “Air Albania”, skuadra serbe u shoqërua nga forcat e Policisë së Shtetit drejt aeroportit të Rinasit. Pavarësisht tensioneve që kanë shoqëruar historikisht përballjet mes dy kombëtareve, kjo ndeshje përfundoi pa incidente, as në stadium dhe as gjatë largimit të ekipit serb nga Shqipëria.
Policia shqiptare kishte marrë masa të forta sigurie për të garantuar një proces të qetë dhe të kontrolluar, duke shoqëruar delegacionin serb deri në hyrjen në pistën e aeroportit. Skuadra serbe u nis më pas drejt vendit të saj pa asnjë problem apo pengesë. Autoritetet shqiptare vlerësojnë disiplinën dhe bashkëpunimin e të gjitha palëve për garantimin e rendit dhe sigurisë.
/vizionplus.tv
