Edhe qytetarët e Patosit kanë kundërshtuar njëzëri mundësinë që bashkia e tyre të preket nga riorganizimi i ri administrativ duke iu bashkuar Fierit.
“Qytetit të naftës dhe intelektualëve nuk meriton ti preket identiteti dhe dinjiteti”, kanë pohuar ata duke kërkuar nga qeveria që të heqë dorë nga çdo plan që prek bashkinë e tyre.
“Nuk e mirëpresim këtë propozim. Bashkia duhet të ekzistojë dhe të ofrojë shërbime për qytetarët.”
“Të jetë bashkia siç është këtu”.
“Si të jetë më e mira le të bëhet. Për ne si qytetarë ishte më mirë ëktu, por tani si të jetë më e mira le të bëhet. Më mirë e kishim këtu”.
Sipas tyre çdo ndryshim i statusit administrativ të Patosit do të ndikonte negativisht në zhvillimin e qytetit dhe në përditshmërinë e tyre pasi do t’i mbante larg shërbimeve.
Edhe vetë socialistët votues tradicionalë të Partisë Socialiste i kanë konsideruar një “gafë” ndryshimet e parashikuara nga Reforma e re Territoriale.
“Absolutisht jo. unë jam qytetar i vjetër i Patosit. patosi ka pasur 5800 intelektualë, mbante 50% të buxhetit të shtetit. Unë jam kundër asaj dhe nuk mund të bëjë reformën Arbër Mazniku që s’e njeh fare Patosin. Nëse bëhet bashkimi mos të vijnë më këtu. Unë jam socialist i vjetër. Nëse bën bashkimin e Patosit me Fierin, mos të duken më këtu.”
“Unë jam socialist, votoj për ta. Por kjo është gafa më e rëndë.”
Ditën e djeshme edhe Poliçani kundërshtoi propozimin e socialistëve për ndarjen territorale.
