Presidenti i Turqisë Rexhep Taip Erdogan ka shpallur ditë zie ditën e nesërme në nder të 66 viktimave që humbën jetën tragjikisht në resortin e skive.
Erdogan ka deklaruar se rasti do të hetohet dhe shkaktarët e kësaj tragjedie do të përballen me ligjin.
“Në fazën e parë u arrestuan katër persona, mes të cilëve edhe pronari i biznesit ku ndodhi tragjedia. E them qartë dhe pa mëdyshje njëherë e përgjithmonë: Ata që shkaktuan një fatkeqësi të tillë, ata që treguan neglizhencë dhe faj, do të mbajnë përgjegjësi para ligjit”, tha Erdogan.
