Nga aksidenti tragjik në aksin rrugor Milot-Morinë, policia konfirmon se kanë humbur jetën 4 anëtarë të një familjeje nga Kosova. Ngjarja ka ndodhur në afërsi të një karburanti në Rreshen.
Mjeti tip “Citroen”, me të cilin udhëtonte një familje kosovare është përplasur me mjetin tip kamion me drejtues shtetasin I.I.,banues në Kosovë.
Për pasojë kanë humbur jetën shoferi i mjetit, bashkëshortja e tij dhe 2 fëmijët, ndërsa është plagosur fëmija i mitur, i cili është transportuar në spitalin e Traumës Tiranë.
Grupi hetimor në vendngjarje punon për sqarimin e plotë të shkakut dhe rrethanave të ngjarjes.
