Sindikata e Arsimit në Shqipëri e kundërshton vaksinimin e detyruar për mësuesit e pedagogët.
Kreu i kësaj Sindikate, Isa Halilaj, u shpreh për “Quo Vadis” se vaksina nuk duhet të jetë e detyruar, për sa kohë që edhe të vaksinuarit e transmentojnë virusin.
“Pikëpamja e Komitetit të Sinditakeve të Arsimit të Evropës është i njëjtë me tonën, ne e mbështesim dhe bëjmë thirrje për një vaksinim vullnetar dhe qeveria të jetë e angazhguar që të vërë në dispozicion një vaksinë të miratuar. Por nuk mbështesim një vaksinim të detyruar. Ne nuk jemi për vaksinim me detyrim për mësuesit. Nëse marrim një mësues të vaksinuar dhe një të pavaksinuar, të dy e përçojnë te nxënësit. Vaksina bëhet për mbrojtje personale. Pse duhet të jetë i detyruar?”
