Kryeministri në detyrë i Kosovës, Albin Kurti, në një deklaratë për mediat është shprehur se nuk ka kuptim që të mos arrihet në një marrëveshje për zgjedhjen e Presidentit të Kosovës.
Në lidhje me gjuajtjen me vezë ndaj tij, Kurti u shpreh se nëse ky është çmimi që duhet të paguajë, do ta bëjë vetëm të arrihet në një marrëveshje.
“Nuk ka kuptim që të mos bëjmë marrëveshje, nuk ka kuptim të mos bashkëbisedojmë. Në këto orët e fundit ndërmjet të fillimt të seancës për konstituimin e Kuvendit dhe vazhdimin unë kam shkruar letra që ftojnë për takim, që japin përgjigje për qëndrimet, kam shkruar mesazhet për t’u takuar me liderë të partive politike dhe nuk besoj se duhet t’i shapllim përpjekjet e dështuara. Ne duhet të vazhdojmë të përpiqemi.
Gjykata kushtetuese thotë merruni vesh, bëni marrëveshje, qyetarët presin të bëjmë marrëveshje prandaj dhe insistimi është në këtë drejtim.
Presidenti duhet të jetë mbipartiak, jashtë polemikave ditore jo në këtë skenën aktuale politike, por një personalitet me vlera profesionale. I bëj thirrje kryetarit të PDK, LDK, AAK të bëjmë marrëveshje politike për rrugën përpara për hir të republikës dhe popullit.
Më gjuani me vezë, vetëm hajdeni në takim. Nëse ky është çmimi që duhet të paguaj, jam gati”, tha Kurti.
