Festimet e dasmës së këngëtares me origjinë shqiptare Dua Lipa dhe aktorit Callum Turner në Palermo të Siçilisë kanë nxitur protesta nga banorët lokalë, të cilët kanë dalë në rrugë kundër mbylljes së qendrës historike dhe ndikimit të eventit në jetën e përditshme të qytetit.
Sipas raportimeve, festimet luksoze të çiftit, që po zhvillohen këtë fundjavë në Palermo, vlerësohen në rreth 1.5 milion euro dhe po mbledhin qindra të ftuar nga e gjithë bota. Protestuesit kanë vendosur postera dhe slogane në zonat e mbyllura për publikun, duke kundërshtuar deklaratat e kryebashkiakut Roberto Lagalla se eventi sjell përfitime promocionale për qytetin.
Lexo edhe :
Related Posts
Lëvizja protestuese “Apro Palermo” e ka cilësuar eventin si shembull të teprimit me turizmin elitar, duke vendosur mesazhe si “Palermo nuk është për të pasurit” dhe “sheshet tona nuk janë dhoma ndenjeje”. Debati në qytet është bërë pjesë e një diskutimi më të gjerë në Itali mbi dasmat e personazheve të famshëm dhe ndikimin e tyre në hapësirat publike dhe jetën lokale.
/vizionplus.tv
