Greqia vijon të këmbëngulë se plotësimi i të drejtave të minoritetit grek në Shqipëri është rruga e vetme drejt anëtarësimit në bashkimit europian.
Këto deklarata vijnë pak ditë pasi kryeministri Kiriakos Micotaqis zhvilloi një takim në Athinë me përfaqësues të omonias dhe PBDNJ-së.
KIRIAKOS MICOTAQIS
KRYEMINISTËR I GREQISË
Shqipëria të vazhdojë me një regjistrim të paanshëm dhe objektiv të popullatës së saj, duke respektuar plotësisht të drejtën e vetëdeklarimit dhe të garantojë në praktikë pronën dhe të drejtat e Minoritetit Kombëtar Grek. Gjithashtu duhet të shmangim veprimet që minojnë rregullat e fqinjësisë së mire ose retorikën për çështje jo-ekzistuese. U takova me përfaqësuesit e minoritarëve tanë në Shqipëri, ku dëgjova problemet që ata hasin, dhe përsërita pikërisht atë që po them këtu. Asgjë më pak, asgjë më shumë.
Në këtë mënyrë Athina zyrtare kërkon të jetë lokomotiva e gadishullit të Ballkanit jo vetëm në politikën e jashtme por edhe në fushën e ekonomisë.
KIRIAKOS MICOTAQIS
KRYEMINISTËR I GREQISË
Si anëtari më i vjetër i Bashkimit Evropian, Greqia është e vetëdijshme për rëndësinë e një zhvillimi të tillë. Kjo është arsyeja pse ajo inkurajon vendet kandidate të bëjnë ndryshimet e vështira që do t’i afrojnë ata në Evropën e Demokracisë, Ligjit dhe Ekonomisë së Hapur. Po ashtu, është nisma e Ministrit të Jashtëm Dendias për të ftuar homologët e tij nga Tirana dhe Shkupi në Bruksel në Këshillin e ardhshëm të ministrave të Jashtëm të BE-së, duke shërbyer kështu si një kanal komunikimi efektiv.
Për Micotaqis ëndra europiane e Shqipërisë për tu bërë anëtare e BE mund të bëhet realitet dhe flamuri i Evropës mund të valëvitet në Tiranë, duke mos fshehur se Greqia pret të ndërmerren reformat e nevojshme.
Në samitin e Selanikut ku ishin të pranishëm edhe kryeministri I maqedonisë zoran zaev dhe ai I bullgarisë bojko borisov, u theksua se Ballkani I ka të gjitha potencialet për t’u bërë një treg dinamik për të gjithë Evropën Juglindore.
