Italia fqinje pritet t’i bashkohet vendeve të tjera europiane në ndalimin e përdorimit të vaksinës anglo-suedeze, Astrazeneca tek të rinjtë nën moshën 30 vjeç. Ashtu sikurse është paralajmëruar edhe nga Agjencia Rregullatore e Barnave, produkti mbart rrezikun e mpiksjes së gjakut, ndërsa rastet nuk kanë munguar as në vendin fqinj.
I fundit ishte ai i një adoleshenteje në Xhenova, e cila humbi jetën pasi pësoi trombozë pas vaksinimit me AstraZeneca në 25 maj, gjatë një dite të hapur vaksinimi për moshat mbi 18 vjeç.
Rasti ka nxitur debate të forta në vend pasi rekomandohet vetëm për moshat mbi 60 vjeç ndërsa shumë të rinj nxitojnë të vaksinohen vullnetarisht që të munden të udhëtojnë përmes pasaportës së vaksinimit.
Ministri i Shëndetësisë, Roberto Speranza deklaroi se të gjitha vaksinat janë të sigurta por gjithashtu konfirmoi se komiteti shkencor që këshillon qeverinë italiane mbi politikën shëndetësore, po rishikon këshillat mbi përdorimin e vaksinës AstraZeneca te të rinjtë.
Ndërkohë në Izrael, janë ngritur shqetësime mbi përdorimin e vaksinës Pfizer. Ministria e Shëndetësisë bëri të ditur se nga muaji dhjetor i vitit 2020 deri në maj 2021, janë regjistruar 275 raste të infarktit të miokardit midis më shumë se 5 milion njerëzve të vaksinuar, kryesisht tek djemtë e moshave nga 16 deri në 30 vjecc.
Sipas studimit të kryer nga tre ekipe ekspertësh, humica e pacientëve që përjetuan inflamacion të muskulit te zemrës kaluan jo më shumë se katër ditë në spital dhe 95% e rasteve u klasifikuan si të butë.
