Mojtaba Khamenei ka publikuar një mesazh drejtuar Shteteve të Bashkuara, në një kohë kur diskutimet për një marrëveshje të mundshme mes Uashingtonit dhe Teheranit mbeten të pasigurta.
Në një postim të tij, ai e quajti SHBA-në “tigër prej letre” dhe tha se “nuk mund të mbrojë as bazat e veta ushtarake”.
Sipas tij, kjo ngre dyshime për aftësinë e SHBA-ve për të garantuar sigurinë e aleatëve të tyre në rajon.
Këto deklarata erdhën pas një paralajmërimi që Ajatollah Khamenei i kishte drejtuar Shteteve të Bashkuara me rastin e Ditës Kombëtare të Gjirit Persik. Ai foli për një “kapitull të ri” në Gjirin Persik dhe Ngushticën e Hormuzit, duke theksuar se Irani do të garantojë sigurinë në rajon dhe do të ndalojë “abuzimet e armikut”.
Ai gjithashtu tha se prania e SHBA-ve është një nga shkaqet kryesore të pasigurisë në Lindjen e Mesme dhe se stabiliteti mund të arrihet vetëm nëse ato largohen nga rajoni.
🔴 Iran’s Supreme Leader Mojtaba Khamenei:
America’s paper tigers can’t even defend their own bases, so how will they protect the region’s American worshippers pic.twitter.com/3tEaCReoiS— Iran Updates🚨 (@IranUpdatesNow) May 1, 2026
