Nis Post Ferma VIP në Vizion Plus, nën moderimin e Florian Agalliut dhe me dy opinionistët, Einxhel Shkirën dhe Ermal Mamaqin.
Pas përfundimit të edicionit të tretë, plot emocione, sfida dhe surpriza, ish-fermerët do të përballen me njëri-tjetrin për deklaratat e bëra, hatërmbetjet, miqësitë dhe gjithçka tjetër që ka ndodhur brenda dhe jashtë fermës.
Për herë të parë pas fitores së Ferma VIP, Moza Ahmeti tregon rrugëtimin e saj. Si u përball fituesja me jetën jashtë fermës pas tre muajsh izolimi? Me kë nga ish-fermerët ruan ende miqësi?
Po në krisjen e miqësisë me DJ Bujakën, a ndikoi Iliri?
Në Post Ferma VIP do të diskutohet edhe përplasja Moza-Zhaku. Çfarë e lidh ish-fermeren me ish-partnerin e Mozës?
Nga ana tjetër, marrëdhënia e Olës me Adionin, krijoi shumë zhurmë brenda dhe jashtë fermës. Por, a e ka marrë propozimin Ola? Si ka qenë marrëdhënia e dy ish-fermerëve pas daljes?
Nata e parë e Post Ferma VIP 3 premton spektakël dhe zhvillime të forta, ndaj ndiqeni LIVE në Vizion Plus dhe në kanalin zyrtar në YouTube.
Ferma VIP 3 mbylli të hënën, më 15 Qershor, siparin e një prej edicioneve më të suksesshme, duke lënë pas një sezon që shkroi historinë e vet në ekranin e Vizion Plus.
