Edhe javën e fundit të Ferma VIP, nuk kanë munguar debatet mes finalistëve.
Një krisje miqësie mes Mozës dhe DJ Bujakës, ka krijuar dinamika të reja. Hatërmbetjet mes tyre u pasqyruan edhe në Post Ferma VIP.
DJ Bujaka tha se Iliri ka pasur gjithmonë tendencë që të ndikonte negativisht tek marrdhënia e tij me Mozën. Nga ana tjetër, kjo e fundit u shpreh se ka pasur prej kohësh disa rezerva për deklaratat e ish-fermerit
Ndërkohë Iliri nënvizoi se DJ Bujaka u kap pas fustanit të Mozës për të arritur finalen.
Pjesë nga biseda:
DJ Bujaka: Me Mozën mu duk pak si një gotë e thyer që nuk rregullohet më. S’di çfarë të them. Iliri, që nga dita e parë ka dashur të prishë miqësinë time me Mozën. Jam treguar edhe unë njëfarë lojtari.
Moza: Kam pasur edhe unë disa rezerva për Bujakën. Hera e parë ka qenë kur nisi edhe ky të fliste për eliminimet. Hera e dytë, ato që kishte filluar Zhaku, ai i përsëriste dhe publiku i ridëgjonte sërish. Kisha dhe rezerva paraprake, sepse më kishte kritikuar për disa situata që ndodhën te Fakiri. Unë të dua me të njëjtin shpirt. Për mua gota s’është krisur fare.
DJ Bujaka: Po sqarohu dhe ma bëj poezi kur të mbarosh.
Moza: I kam bërë të gjitha unë për këtë që të ishte në finale. Për mua s’ka ndryshuar asgjë.
DJ Bujaka: As për mua. Vetëm për publikun ndaj Mozës.
Florian Agalliu: Ilir, a ke influencuar ti për këtë marrëdhënie?
Iliri: Ajo që ka lidhje me DJ Bujakën, ai ka gjithë të drejtën e botës ta pretendojë çmimin e parë. Por kur ti gjatë gjithë kohës aty ke mbajtur fustanin e një personi non-stop, duke pasur hallin mos të dilje në televotim, mos të eliminoheshe, në atë moment kur kapërceva lumin… del te pretendimi i çmimit. Nuk mund ta pretendojë këtë kur s’ka luajtur me forcat e veta, por falë Mozës.
/vizionplus.tv
