Komisariati nr. 5 në Tiranë vijon hetimet për zbardhjen e plotë të grabitjes së argjendarisë në Paskuqan si dhe për zbulimin e identitetit të autorëve.
Grupi hetimor po analizon lëvizjet e dy grabitësve para dhe pas krimit. Kamerat e sigurisë kanë ndihmuar hetuesit të rindërtojnë itinerarin e ndjekur nga autorët, të cilët rezultojnë se kanë shmangur qëllimisht rrugët kryesore.
Të maskuar, dy personat kanë lëvizur nëpër rrugicat periferike të Kamzës përpara se të mbërrinin në argjendari. I njëjti itinerar është ndjekur edhe pas grabitjes, çka ka shtuar dyshimet e grupit hetimor se autorët e njohin mirë zonën.
Gjatë grabitjes, autorët kanë marrë vetëm sende floriri, me një vlerë mbi 1.5 milionë lekë të reja.
Hetuesit dyshojnë se grabitësit mund ta kenë vëzhguar më përpara argjendarinë. Një prej tyre dyshohet se mund të jetë paraqitur si klient disa ditë përpara ngjarjes, për të mësuar vendndodhjen e bizhuterive me vlerë më të lartë.
Në pistën e hetimit nuk përjashtohet as mundësia që dy grabitësit të kenë pasur persona të tjerë që i kanë ndihmuar në grabitjen.
Ndërkohë, ngjarja e së mërkurës mësohet se nuk ka lidhje me grabitjes e ndodhur më 16 maj të një argjendarie në Kamëz. Kjo për fakton se rasti i parë është zbardhur nga Policia e Tiranës dhe të dy autorët janë të arrestuar dhe ndodhen në qeli
