Policia e Himarës ka finalizuar dy faza të një operacioni antidrogë të koduar “Area”, në kuadër të masave të shtuara për garantimin e rendit dhe sigurisë gjatë sezonit turistik.
Gjatë operacionit “Area 01”, shërbimet e Komisariatit të Policisë Himarë, në bashkëpunim me specialistët e Seksionit për Hetimin e Narkotikëve, arrestuan në flagrancë shtetasit Viron Kutulla, 17 vjeç, banues në Himarë dhe Dilaver Gjonça, 40 vjeç, banues në Tiranë.
Gjatë kontrolleve fizike dhe kontrollit në banesën ku qëndronte përkohësisht 40-vjeçari, në fshatin Llaman, u sekuestruan lëndë të dyshuara narkotike kokainë dhe cannabis sativa, të ndara në rreth 60 doza, të cilat dyshohet se ishin përgatitur për shitje në plazhet e Livadhit dhe Llamanit, si dhe në zonat me beach bare.
Ndërkohë, në fazën e dytë të operacionit, të koduar “Area 02”, u arrestua në flagrancë shtetasi Rigers Lekaj, 24 vjeç. Gjatë kontrollit të automjetit dhe banesës ku ai qëndronte përkohësisht në Himarë, policia gjeti lëndë të dyshuar narkotike cannabis sativa të ndarë në 31 doza gati për shitje, si dhe një peshore elektronike.
Policia bën me dije se kontrollet dhe veprimet hetimore vijojnë, me qëllim goditjen e shpërndarjes së lëndëve narkotike në zonat turistike.
/vizionplus.tv
