Trupi i pajetë i Kryepeshkopit Anastas Janullatos ka mbërritur në Tiranë, ku është pritur nga qindra besimtarë që e shoqëruan me lule dhe gjethe dafine, një shenjë respekti dhe nderimi për figurën e tij të shquar.
Arkëmorti, i cili ishte shoqëruar nga klerikët e vendit, u dërgua në Kishën “Ringjalla e Krishtit”, ku do të mbahet ceremonia mortore në nderim të Kryepeshkopit të ndjerë.
Ceremonia mortore për Kryepeshkopin Anastas do të mbahet të enjten në Tiranë, ku pritet të mblidhen shumë besimtarë dhe përfaqësues të Kishës Ortodokse për të nderuar jetën dhe veprën e tij.
