Ajo që ra në sy kur u bë publike lista e plotë e kandidatëve të Partisë Socialiste ishte që emra të vjetër të të majtës ishin vendosur në vende të pasigurta.
Për këtë, kryebashkiaku i Tiranës, Erion Veliaj shprehet se është një strategji e PS për të vendosur interesin e skuadrës mbi atë personal.
“Si çdo ndeshje, ka një strategji para se të hysh në fushë. Strategjia e kundërshtarëve tanë ka qenë të gjithë emrat e njohur dhe të lodhur të futen në vendet e sigurta. Kjo është një strategji që nuk ndihmon. Parimi ynë është më ndryshe, patriarkët e familjes sigurohen që të futet gjithë familja në autobus para se të futen vetë. Ishte ideja e Gramoz Ruçit dhe dëshmoi që pati një energji të jashtëzakonshme, Vendosja e tij në kufi, markoi ku është kufiri. Në PD ti nuk e kupton ku është kufiri. Ne në një farë mënyre tregojmë edhe ambicien tonë. Logjika jonë është interesi i skuadrës është mbi interesin vetjak.”
Kryebashkiaku i Tiranës Erion Veliaj, rrëfeu edhe se e kujt ishte ideja për të vendosur të vjetrit në “vijën e zjarrit”, duke iu referuar kështu listave të Partisë Socialiste që shkojnë drejt zgjedhjeve të 25-Prillit.
“Ne themi, ata që janë patriarkët, ata që janë kryesuesit e familjes, senatorët, sigurohen që futet e gjithë familja brenda në autobus dhe pastaj futen vetë. Është një strategji. Do ta shohim! Unë besoj se është një strategji fituese. Ka qenë ideja fillimisht e Gramoz Ruçit, i pari që e vuri veten në kufi. Ajo që Gramozi dëshmoi pati një energji të jashtëzakonshme. Vendosja e tij në kufij, caktoi se ku është kufiri. Me Partinë Demokratike, ti s’e kupoton ku është kufiri. Tek Saliu, tek Fatmir Mediu, Dash Shehi, te Dulja apo Shpëtim Idrizi?”
