Pas shpalljes së mos kompetencës nga prokuroria e krimeve të rënda dhe ping-pongut institucional me prokurorinë e Dibrës, kjo e fundit ka zbatuar urdhrin e prokurores së përgjithshme të përkoshme Arta Marku duke regjistruar procedimin penal për dosjen e nxehtë “184”.
Përgjimet e publikuara nga gazeta gjermane “Bild” ku zyrtarë të lartë lokale, deputete, ministra, madje dhe vetë kryeministri Rama flasin mbi zgjedhjet, do te hetohen nga prokurorët në Dibër.
Por keta te fundit, në ankesën drejtuar Arta Markut shpreheshin se nuk kanë kapacitete të mjaftueshme e për më tepër janë në konflikt interesi.
Për situatën në dijeni është vënë edhe këshilli i lartë i prokurorisë i cili mund të delegojë prokuror shtësë në Dibër për një nga dosjet më të përfolura që trazoi politikën në muajin qershor.
