Gjykata e Posaçme ka shpallur vendimin për 23 anëtarët e dy grupeve kriminale (shqiptarë e të huaj) që kanë transportuar mbi 650 emigrantë të paligjshëm në vendin tonë gjatë vitit 2023-prill 2024.
Për 19 prej tyre u vendos dënimi me 104 vite burg gjithsej, teksa 4 prej anëtarëve u shpallën të pafajshëm.
Të huajt, kryesisht nga Bangladeshi dhe Kameruni u lejuan të kalonin në mënyrë të paligjshme kufirin shqiptar kundrejt pagesave 6 000-8 000 euro.
Këto shuma parash paguheshin prej tyre kryesisht në Dubai dhe më pas transferoheshin në Shqipëri tek drejtuesit e grupit nëpërmjet sistemit “Hawala”.
NJOFTIMI:
Prokuroria e Posaçme kundër Korrupsionit dhe Krimit të Organizuar ka paraqitur pranë Gjykatës kërkesën me objekt: “Gjykimin e çështjes penale në ngarkim të të pandehurve: Endri Seiti, Luan Tafalla, Endrit Ismailaj, Arnold Shpata, Altin Hasani, Edmond Braha, Xhuljeta Çopa, Artur Mata, Artan Sulaj, Luan Sulaj, Emmanuel Delphin Assako Ella, Arba Hysenllari, Shkelzen Matmuja (Bokciu), Faik Matmuja, Bukurosh Muja, Lulzim Lami, Tome Preka, Xhuljo Krasniqi, Edmond Baklli, Iglan Alliçi, Orkid Pijaneci, Arjel Hoxha dhe Ermal Hoxha”. 2. Gjykimi i kësaj ҫështje u zhvillua me rregullat e gjykimit të shkurtuar. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarët Erjon Bani, Atalanta Zeqiraj dhe Bib Ndreca, me vendimin nr. 43, datë 01.06.2026 vendosi:
1. Deklarimin fajtor të të pandehurit Endri Seiti për kryerjen e veprës penale “Ndihma për kalim të paligjshëm të kufijve”, me qëllim përfitimi, e kryer në bashkëpunim në formën e grupit të strukturuar kriminal, “Kryerja e veprave penale nga organizata kriminale dhe grupi i struakturuar kriminal” parashikuar nga neni 298 paragrafi 2, dhe në lidhje me nenet 28/4 dhe 334/1 të Kodit Penal dënimin e tij me 10 (dhjetë) vjet burgim. 1.1. Deklarimin fajtor të të pandehurit Endri Seiti, për vepër penale “Grupi i strukturuar kriminal”, parashikuar nga neni 333/a/1 i Kodit Penal dhe dënimin e tij me 4 (katër) vjet burgim. 1.2. Pushimin e akuzës në ngarkim të të pandehurit Endri Seiti për kryerjen e veprës penale “Falsifikimi i dokumentave” e kryer në bashkëpunim në formën e grupit të strukturuar kriminal parashikuar nga neni 28/4 dhe 186/1 i Kodit Penal për shkak se ndjekja penale nuk duhet të vazhdojë për këtë vepër penale. 1.3. Deklarimin e pafajshëm të të pandehurit Endri Seiti për kryerjen e veprës penale “Korrupsion aktiv i personave që ushtrojnë funksione publike” e kryer në bashkëpunim parashikuar nga nenet 244/2 e 25 të Kodit Penal, pasi nuk provohet se e ka kryer veprën penale për të cilën akuzohet. 1.4. Bazuar në nenin 55 të Kodit Penal në bashkim të dënimeve i pandehuri Endri Seiti dënohet me një dënim të vetëm prej 12 (dymbëdhjetë) vjet burgim. 1.5. Në zbatim të nenit 406/1 të Kodit të Procedurës Penale, të pandehurit Endri Seiti i ulet 1/3 (një e treta) e dënimit të dhënë, duke u dënuar përfundimisht me 8 (tetë) vjet burgim. 1.6. Vuajtja e dënimit për pjesën e pavuajtur të kryhet nga i pandehuri Endri Seiti në një burg të sigurisë së lartë, në respektim të nenit 16 pika 1, gërma “a” të Ligjit Nr. 81/2020 “PËR TË DREJTAT DHE TRAJTIMIN E TË DËNUARVE ME BURGIM DHE TË PARABURGOSURVE”.
