Aksident pranë Spitalit Memorial të Fierit, tre të plagosur, shoferi në gjendje të rëndë (Emri)
Një aksident automobilistik është shënuar këtë të hënë në bypass-in Mbrostar–Levan, në afërsi të Spitalit Memorial të Fierit.
Një automjet tip “ Volswagen” pasi ka humbur kontrollin , ka dalë nga rruga. Si pasojë drejtuesi i mjetit i identifikuar si Indrit Shyti dhe dy pasagjerët që udhëtonin me të kanë mbetur të plagosur.
Të tre janë transportuar me autoambulancë drejt Urgjencës së Spitalit Rajonal të Fierit, ku po marrin ndihmën mjekësore, ndërsa drejtusi i dëmtuar më rëndë ndodhet në sallë.
Në vendngjarje kanë mbërritur menjëherë forcat e Qarkullimit Rrugor, të cilat kanë ndërhyrë për menaxhimin e situatës dhe sistemimin e kolonës së automjeteve të krijuar si pasojë e aksidentit.
Ndërkohë, në vendngjarje kanë shkuar edhe ekspertët e kriminalistikës, të cilët kanë nisur veprimet hetimore për të zbardhur rrethanat e aksidentit dhe përcaktuar shkakun e daljes së automjetit nga rruga.
/vizionplus.tv
