Një aksident i rëndë rrugor është regjistruar në zonën e fshatit Kaninë, ku janë përplasur dy automjete.
Si pasojë e përplasjes, një prej drejtuesve të mjeteve ka mbetur i plagosur rëndë. Në vendngjarje kanë mbërritur menjëherë shërbimet e policisë dhe ekipet e emergjencës.
Për nxjerrjen e të plagosurit nga automjeti është dashur ndërhyrja e forcave zjarrfikëse të Vlorës, pasi ai kishte mbetur i bllokuar brenda mjetit pas përplasjes.
Policia ndodhet në vendngjarje dhe po kryen veprimet hetimore për të zbardhur shkaqet dhe rrethanat e aksidentit.
