Ka ndërruar jetë në moshën 83-vjeçare Rexhep Meta, babai i ish-presidentit të Republikës së Shqipërisë, Ilir Meta.
Ceremonia e përcjelljes për në banesën e fundit do të zhvillohet nesër në Çepan të Skraparit, vendlindja e familjes Meta, ku të afërm, familjarë dhe miq pritet të marrin pjesë në lamtumirën e fundit.
Pas lajmit të ndarjes nga jeta të të atit, është bërë e ditur se Ilir Meta, i cili ndodhet në paraburgim, do të marrë pjesë në ceremoninë mortore. Avokati i tij ka kërkuar leje të posaçme për ta lejuar atë të largohet përkohësisht nga burgu 313 për të marrë pjesë në varrim.
Fillimisht kërkesa është adresuar tek autoritetet përgjegjëse të sistemit të burgjeve.
Më pas, SPAK ka miratuar lejen për daljen e përkohshme të tij.
Aktualisht po kryhen procedurat administrative për largimin e përkohshëm të Metës nga institucioni ku ndodhet, në mënyrë që ai të jetë i pranishëm në ceremoninë e lamtumirës për të atin.
