Drejtori i Përgjithshëm i Policisë, Gledis Nano ka marrë pjesën në dëgjesën e Komisionit të Ligjeve për ‘5 majin’.
Gjatë fjalës së tij, Nano tha se policia ka ndërhyrë në prishjen e banesave tek zona e 5 majit pas shkresës së Bashkisë Tiranë për të siguruar që punonjësit e IKMT-së të kryenin detyrën e tyre.
Ai shtoi se ka patur reagimet te dhunshme nga disa banorë që penguan futjen e fadromave.
“Bazuar në kërkesat e vazhdueshme të IKMT kanë mbështetur për lirimin e sheshit të 5 majit. Komisariati i policisë nr.4 ka marrë masa për sigurimin e kushteve të punës për punonjësit e IKMT. Bashkia Tiranë me shkresë nr.17 është kërkuar mbështetje nga komisariati nr.4 në tiranë, janë marrë masa të nevojshme për mbështetje referuar rezistencës së hasur më parë nga banorët. Shërbimet policore, janë vendosur në zonë në orën 07:00 në datën 19, ku rreth orës 08:00 kanë filluar veprimet e IKMT për prishjen e banesave. Ka patur reagimet te dhunshme nga disa banorë që penguan futjen e fadromave, është tentuar ti vihet flaka një automjeti. Është ndërhyrë duke shoqëruar 8 shtetas që kundërshtuan punonjësit e policës dhe penguan punën e punonjësve të IKMT. Është përdorur forcë proporcionale në raport me mosbindjen. U prishën total 10 banesa, u mobilizuan 92 policë”, tha Nano.
