Policia e Tiranës ka proceduar penalisht një 59-vjeçar, i akuzuar për ndotje të mjedisit dhe ajrit.
Bëhet me dije se uniformat blu kanë identifikuar 59-vjeçarin N. H., i cili kishte hedhur mbetje, duke ndotur mjedisin dhe ajrin në afërsi të Stacionit Elektrik në Selitë.
Njoftimi:
Shërbimet e Drejtorisë Vendore të Policisë Tiranë, në kuadër të angazhimit për parandalimin dhe goditjen e krimeve mjedisore, kanë identifikuar shtetasin N. H., 59 vjeç, banues në Selitë, i cili kishte hedhur mbetje, duke ndotur mjedisin dhe ajrin në afërsi të Stacionit Elektrik.
Në vijim të veprimeve, nga ana e Specialistëve për Hetimin e Krimeve në Komisariatin e Policisë Nr. 2 u procedua penalisht shtetasi N. H., 59 vjeç, për veprën penale “Ndotja e ajrit, e ujërave dhe e tokës”.
Vijon puna për identifikimin e personave të tjerë që kryejnë ndotje të mjedisit dhe të ajrit.
Materialet u referuan në Prokurori, për veprime të mëtejshme.
