Digjen disa banesa të vjetra

Një zjarr i fuqishëm ka rënë tek ish-zdrukthëtaria e Spitallës në Durrës, duke djegur brenda pak minutash disa banesa të vjetra. Zjarri ka shkaktuar dëme të shumta materiale, duke vënë në rrezik edhe disa banesa të tjera përreth si dhe një rrobaqepësi. Ndërtesat e djegura kane qenë të pabanuara prej vitesh. Fatmirësisht, nuk ka pasur te lënduar, por vetëm dëme materiale. Përveç zjarrfikëseve, në vendngjarje kanë mbërritur edhe ekspertë të policisë, të cilët po punojnë për zbardhjen e shkaqeve të zjarrit.