Ish-deputeti i Partisë Demokratike, Luçiano Boçi hodhi akuza në adresë të qeverisë për librat falas që shpërndan për nxënësit. Boçi deklaroi në “Facebook” se këto libra falas janë të përdorur. Por sipas tij, si të mos mungonte ky fakt, ata kanë mbaruar. Si provë për këtë, Boçi nxjerr çmimet e librave të listuara tek xhamat e shkollave.
“Ramës nuk i mjaftoi mashtrimi me pagat e mësuesve. Një tjetër mashtrim gjigand del nē dritë. Tani me fëmijët, për librat falas, ose më saktë “në përdorim”. Por as “në përdorim” nuk ka falje. Rama e Shahini deklaruan me pompozitet që librat “falas”😜 shkojnë deri në klasën e shtatë! Por e vërteta flet ndryshe. Shkollat kanë afishuar çmimet e të gjitha librave në xhamat hyrës, madje me logon e Ministrisë dhe prindërit orientohen t’i blejnë ato (foto). Abetarja kushton 5170 lekë. Gjuha shqipe, klasa e dytë, 4620 lekë Matematika, klasa e tretë, 4750 lekë. Gjuhë Angleze, klasa e katërt, 5540 lekë. Matematikë, klasa e pestë, 5000 lekë. Librat në përdorim kanë mbaruar! Falas maksimumi ndonjë fletore pune. Të mashtrosh mësuesit, je mashtrues klasi. Të mashtrosh fëmijët, je mashtrues ordiner. Rama i ka të dy ofiqet. Mashtrimet e tij mbarojnë vetëm me shporrjen e tij!!!!”
