Detaje të reja janë zbardhur nga tritoli që u vendos në derën e shtëpisë së një 72 vjeçari në Tufinë, ngjarje e ndodhur rreth orës 00:30 të kësaj të shtune.
Burime për Vizion Plus bëjnë me dije se për këtë ngjarje janë shpallur në kërkim 3 vëllezër, Ervis Alla, Altin Alla dhe Maksim Alla, të cilët janë me precedent të mëparshëm për kanosje dhe mashtrim.
Po të njëjtat burime, thanë se shkak i vendosjes së tritolit është bërë një porosi e papërfunduar nga vëllezërit, të cilët kanë një mobileri në Fushë Krujë.
Djali i 72 vjeçarit ka bërë një porosi tek vëllezërit Alla dhe ka dhënë kapar, por nuk ka marr porosinë. Ai i ka kërkuar kthimin mbrapsht të kaparit, por 3 vëllezërit nuk kanë pranuar dhe i kanë vënë tritolin te shtëpia.
Ata kanë ardhur me një makinë deri në Tufinë, kanë vendur lëndën plasëse dhe janë larguar. Policia po punon për të gjurmuar makinën përmes pamjeve të kamerave të sigurisë.
