Kryetari i Partisë Demokratike Lulzim Basha ka vijuar edhe këtë të martë turin e takimeve me qytetaret dhe bizneset në qytete te ndryshme të vendit. Pjesa e këtij turi shtë edhe ftesa dfrejt qytetareve për tiu bashkuar protestes së opozitës të lajmëruar për në datën 16 shkurt. Pas Kavajës, ndalesa e dytë e Bashës ishte Shkodra ku fillimisht ai u takua me tregtarët e qytetit verior.
Një tregtare iu ankua Bashës për xhiron e pakët ditore dhe forcen shumë të ulët bleresë që ndikon edhe ne fitimin e saj. Ajo shtoi se kjo situatë ka bërë që fëmijet ta shohin të ardhmen jashtë vendit. Ndërkohe lideri I opozitës gjatgë bashkëbisedimit me këtë tregtare, tha se kjo kastë politikanësh që është në pushtet mendojne vetëm për vetën e tyre, ndërsa popullin e kanë harruar . Por ai shtoi se qytetaret e kanë vetë në dorë që të dalin nga kjo situatë duke iu bashkuar protestës së radhës.
Këta mendojnë vetëm për veten e tyre. Popullin e kanë harruar vetëm i marrin taksat.Por ne e kemi në dorën tonë ta ndryshojmë. Shkodra, ti Lumturi dhe Shqipëria keni shpresë. Mjafton të bëhemi të gjithë bashkë dhe të merrni fatin tuaj në duart tuaja. Kjo është ftesa për 16 shkurtin. Më 16 shkurt të bëjmë një betejë që të rikthejmë një qeverisje që mendon për vendin dhe jo për veten e vetë.
Basha gjatë takimeve me tregtare të tjerë në Shkodër shtoi se kjo qeveri ka bërë që vendi sot të ketë cmimin më të madh të naftës në Europe dhe pagat më të ulëta, cka e ka varferuar edhe më shumë popullin. Kreu i selisë blu tha se PD e ka zgjidhjen.
Në një vend ku nafta është më e shtrenjta në Europë dhe rrogat dhe pensionet janë më të ulëtat në Europë mos prisni që të keni xhiro. Ajo që duhet bërë urgjent dhe që do e bëjë PD është të ulet çmimi i naftës. Me ul çmimin e energjisë, me rrit pensionet, me ul taksat tuaja. Të ndizen motorrët e ekonomisë. Por së pari duhet të largojmë këtë qeveri që e ka mendjen vetëm me mbush xhepat e vetë. Prindi i keq e shkatërron shtëpinë, qeveria e keqe shkatërron vendin. Me 16 shkurt ju ftoj të vini të gjithë në Tiranë. Ta merrni fatin tuaj në duart tuaja. Mos e lini në dorën e atyre që ju kanë harruar, ju ka braktisur, ju vjedhin e pastaj ju tallin.
