Ditën që ligji e detyron të paraqitet në Gjykatën e Posaçme, Sali Berisha nuk i ndali akuzat ndaj institucionit që e ka vënë nën akuzë, SPAK dhe kryeprokurorit, Altin Dumani.
Sipas tij, hetimet që përfunduan me ekzekutimin e mbi 30 urdhërarresteve, nuk kanë qenë të SPAK, madje Berisha e quan trillim.
“Tani dëgjoni, dy javët e fundit, lajmet ndërkombëtare të vërtetuara janë se në duart e karteleve shqiptare të Çelajt dhe Ndreut apo atij Hoxhosmanit, kanë qarkulluar 34 tonë kokainë, e barabartë me 6.5 miliardë euro. Informuan se janë kapur 17 tonelata drogë. Tani dëgjoni, dy javët e fundit, lajmet ndërkombëtare të vërtetuara janë se në duart e karteleve shqiptare të Çelajt dhe Ndreut apo atij Hoxhosmanit, kanë qarkulluar 34 tonë kokainë, e barabartë me 6.5 miliardë euro. Asnjë gram nuk është kapur në Shqipëri dhe dezinformojnë, mashtrojnë se u kapën 17 tonelata”, tha Berisha.
Ndërsa për gjyqin në shtator, për të cilin kërkoi përjashtimin e trupës gjykuese, Berisha thotë: Do ta vazhdoj gjykimin, është procedurë. S’ka të bëjë me individët. Është çështje parimi. Një njeri, Edi Rama pas largimit të PD nga Parlamenti ka vendosur në ligje një nën antikushtetues. Përpjekja ime është rivendosja e standardeve ndërkombëtare.
Sali Berisha dhe Jamarbër Malltezi, dhëndri i tij i bashkëpandehur në këtë proces, do të ulën në bankën e të akuzuarit në 15 shtator. Në bashkëpunim edhe me dy biznesmenë, e një notere, ata dyshohet se kanë kryer korrupsion.
Nga ana tjetër dhëndri akuzohet se ka kryer edhe pastrim parash si pasojë e marrjes së trojeve të ish- kompleksit sportiv Partizani. SPAK thotë se kjo vendimmarrje i atribuohet Sali Berishës kur shërbente si kryministër i vendit.
/vizionplus.tv
