“Era” Trump, çfarë ndodh me gjeopolitikën? Kjo ishte temë mbrëmjen e sotme në emisionin “Quo Vadis” në Vizion Plus me moderatoren Pranvera Borakaj.
Ish-zëvendës drejtori i përgjithshëm i tatimeve, Flobenc Dilaveri i ftuar në studio foli për një çështje të “nxehtë” siç është ajo e emigrantëve pasi Trump është zotuar se do të godasë emigracionin e paligjshëm. Zoti Dilaveri tha se ka ardhur koha që SHBA mos të mbajë më peshën e emigracionit.
Dilaveri: Ishin 22 shtete që bënë padi. Elektorati, një nga arsyet që ka mbështetur Trump ka qenë politika e tij me emigrantët dhe emigracionin në tërësi. Ka pasur momente që kanë jetuar më shumë me hallet e emigrantëve sesa me të vetat. U nënshtrua i gjithë shteti në kategoritë e caktuara të emigrantëve. Edhe kjo do hajë diskutim, por vendosmësia e Trump dhe administratës së tij dhe orientimi ekonomik që ka publiku do bëjnë që ta kalojnë më thjesht. Amerika do ta heqë nga vetja një barrë të tillë sepse realisht nuk e mban dot më. Kishte ardhur momenti që ata të shpëtotnin.
Sa i përket aspektit ekonomik, Dilaveri tha se politikat e Trump do të kenë ndikim pozitiv në vendin tonë, edhe pse jemi një vend i vogël.
Dilaveri: Ne për momentin kemi një ekonomi që është stabël, ka filluar të reflektojë pozitivisht dhe unë mendoj që ne do marrim pozitivisht nga gjithë strategjitë e Trump dhe nga gjihë ndikimet e politikave të tij në Evropë. Ndoshta duhet të mësojmë dy-tre strategji prej tij se si të suportojmë prodhimin vendas. Ne ulim tarifat e produkteve që vijnë nga jashtë, në vend që të bëjmë të kundërtën./vizionplus.tv
