Një plagosje me thikë është regjistruar në zonën e Kombinatit në Tiranë, ku dy 60-vjeçarë janë konfliktuar me njëri-tjetrin teksa ndodheshin në një lokal.
Sipas informacioneve paraprake, të dy burrat kanë qenë duke konsumuar kafe dhe alkool, ndërsa pas një debati për motive të dobëta, njëri prej tyre, Eugent Mersini ka nxjerrë thikën dhe ka plagosur shokun e tij, Abedin Alushi .
I dëmtuari është transportuar në spital për të marrë ndihmë mjekësore, ndërsa gjendja e tij nuk dihet ende.
Policia ka ndërhyrë menjëherë dhe ka bërë të mundur arrestimin e autorit të dyshuar. Hetuesit po punojnë për zbardhjen e plotë të rrethanave të ngjarjes, ndërsa paraprakisht dyshohet se konflikti ka ndodhur nën efektin e alkoolit.
/vizionplus.tv
