30 maji është afati i fundit kur bizneset në fushën e turizmit, transportit dhe shoqëritë publike duhet të ofrojnë infrastrukturën e pagesave me kartë, përveç pagesave me cash.
E teksa ky afat po shkon drejt fundit, bankat shprehen se interesi ka qenë i lartë për tu pajisur me POS sidomos në strukturat akomoduese dhe transporti.
Edlira Heba, drejtore e kanaleve digjitale në “Credins Bank”, gjatë një interviste për emisionin “E-ZONE” në Vizion Plus tregoi avantazhet e përdorimit të pagesave me kartë.
“Zgjerimi i rrjetit të POS-eve është një element shume i rëndësishëm për zhvillimin e një ekonomie moderne dhe të formalizuar. Sa më shumë pika pranimi për pagesa me kartë të ketë në treg, aq më shumë inkurajohet përdorimi i pagesave elektronike duke reduktuar kështu përdorimin e cash-it. Përdorimi i kartave dhe pagesave përmes POS-eve sjell një kombinim të komoditetit, sigurisë dhe kontrollit financiar. Si rezultat, numri i transaksioneve në POS është rritur me 40% krahasuar me një vit më parë, duke reflektuar kështu rritjen e përdorimit të pagesave elektronike. Pagesat realizohen në mënyrë të menjëhershme, pa nevojën për të mbajtur cash, ndërsa çdo transaksion është i gjurmueshëm dhe i verifikueshëm në çdo kohë. Të pajisesh me një POS sot është shumë e thjesht për çdo biznes. Në çdo rast çdokush që ka një biznes mund të aplikojë online ose të paraqitet në çdo degë “Credins” me ID Card dhe niptin e biznesit”, sqaroi Heba.
Sipas Hebës aktualisht është moment më i mirë për tu pajisur me POS, pasi bizneset do të kenë edhe disa avatazhe.
“Aktualisht ne jemi edhe për këtë vit në bashkëpunim me Mastercard për shërbimin POS (një fushatë specifike e lancuar vitin e kaluar POSI), ku çdo biznes mund ta përfitojë falas një POS për 12 muaj, pa tarifa për transaksione me kartë brenda limitit të biznesit që subjekti ka, si edhe avantazhe të tjera. Ky është një moment shumë i mirë për të ftuar të gjitha bizneset për tu pajisur me një POS për t’i dhënë vetes një mundësi shumë të mirë në rritjen e performacës së biznesit të tyre si dhe për t’i krijuar edhe më shumë mundësi klientëve të huaj të ndjejnë edhe në Shqipëri komoditetin e pagesave me kartë”, tha Heba.
E teksa sfida është përfshirja e popullatës në pagesat digjitale, “Credins Bank” së shpejti vjen me një aplikacion të ri në treg.
“Investimi në teknologji është padyshim në të gjithë linjën strategjike të “Credins Bank”. Aktualisht po përfshijmë së fundmi një risi konceptin/përdorimin Soft POS, duke bërë që tashmë çdo pajisje smart të jetë një pikë pagese jo vetëm e sigurt, por edhe super e shpejtë. Kjo mënyrë moderne i lejon bizneseve të operojnë lirisht si në dyqan, në terren, duke ofruar një eksperiencë unike mjaft të thjeshtë si për tregtarin ashtu edhe për klientin. E shpjeguar në praktikë, biznesi instalon aplikacionin POS në telefon, çdo klient mund të paguajë në kohë reale në Apple pay/Google Pay. E gjithë pagesa tashmë bëhet pa kartë (me kartë virtuale). Për ne si “Credins”, ky shërbim është më shumë se një përditësim teknologjik, është një hap drejt një mënyre të re të të bërit biznes, më të shpejtë, më të zgjuar dhe mbi të gjitha një mindset/botëkuptim i ri që bashkon/ndërlidh bashkëveprimin e klientit ashtu edhe biznesit me botën digjitale”, u shpreh Heba.
Pagesat digjitale kanë njohur rritje vit pas viti, duke bërë që të thyhet miti i pagesave me para fizike që na ka dominuar prej vitesh.
/vizionplus.tv
