Zihen në “FB”, vritet 19-vjeçari në Fier, i riu u qëllua me thikë në qendër të qytetit, arrestohet autori

Një tjetër konflikt mes disa të rinjve i nisur në rrjetet sociale përfundoi në tragjedi.

Një 19-vjeçar humbi jetën sot në Fier, pas një përplasjeje me një bashkëmoshatar, me të cilin disa ditë më parë kishte debatuar në Facebook.

Lexo edhe :

Related Posts

U vra me thikë në Fier, shokët e 19-vjeçarit rrëqethin me mesazhin: Lotët për Grein të pashtershëm

U vra për një “like” në rrjete sociale, familja e Greit hap dyert e mortit, 19-vjeçari përcillet sot për në banesën e fundit

“Djalë i mrekullueshëm!” Ish-trajneri i 19-vjeçarit që u vra në Fier prek me dedikimin: Rrezatonte vetëm mirësi dhe dashuri

Viktima Grei Bihuci, pasi bëri vetëm dy orë mësim, bashkë me një shokun e tij të klasës Olti Serjanaj është larguar nga shkolla për tu sqaruar me autorin Florian Muka për konfliktin që kishin bërë në rrjetet sociale.

Por në debat e sipër të rinjtë përfunduan duke u përleshur fizikisht deri në momentin kur 18-vjeçari Muka qëlloi për vdekje me thikë Bihucin dhe plagosi shokun e tij, Olti Serjanaj. Ky i fundit ndodhet në spital jashtë rrezikut për jetën, ndërsa policia arrestoi menjëherë pas ngjarjes 18 vjeçarin Muka.

Sipas dëshmitarëve konflikti nisi poshtë urës Gjanica, në qendër të qytetit dhe djali në përpjekje për të shpëtuar mundi të ecë disa metra i plagosur derisa përfundoi i shtrirë në mes të rrugës.

Grupi hetimor po mbledh dëshmi dhe prova të tjera për zbardhjen e plotë të dinamikes së ngjarjes.

I riu 19 vjeçar i cili ndërroi jetë punonte si kamerier në një prej lokaleve në afërsi të qendrës së qytetit dhe njihej si djalë i sjellshëm dhe jo problematik./vizionplus.tv