Një ngjarje e rëndë është parandaluar nga Policia e Lezhës, ndërkohë është arrestuar një person me rrezikmshmeri të lartë.
Në pranga ka përfunduar Arben Mhillaj i cili në momentin e arrestimit po qarkullonte me një mjet të blinduar ndërkohë brenda tij iu gjet një armë zjarri me fishek në fole gati për qitje.
Jo vetëm kaq, por 41-vjeçari në momentin që policia ka tentuar ta ndaloje nuk i është bindur urdhërit dhe ka dashur që të arratiset me shpejtësi, por fatmirësisht është kapur nga blutë e Lezhës. Në momentin që ka tentuar tu arratiset ka hedhur në tokë dhe armën e zjarrit sëbashku me fishekët por më pas janë gjetur nga efektivët. Arben Mhillaj rezulton me precedent penal për kanosje dhe kundështim të punonjësve të policisë.
I arrestuari po merret në pyetje nga grupi hetimor, për të mësuar pikërisht se kë kishte në shënjestër për të ekzekutuar, por deri tani nuk ka pranuar që të bashkëpunojë duke mos folur përpara hetuesve.
41-vjeçari është vëllai i Florin Mhillajt, 36-vjeçari që ndodhet në kërkim si një nga autorët e dyshuar të vrasjes së dyfishtë në Torovicë të Lezhës ku u ekzekutuan me breshëri plumbash çifti i bashkëshortëve Kreshnik dhe Gentjana Mujeci, ngjarje që ndodhi më 26 prill të këtij viti.
Ngjarja e rëndë ndodhi brenda pak sekondash, ndërkohë që zanafillën e ka përpara një dekade. Lidhur me ekzekutimin e bashkëshortëve, hetimet e policisë treguan se ishte Renato Mhillaj sëbashku me dy kushërinjtë e tij Florin dhe Adriano Mhillaj që organizuar atentatin për shkak se Kreshnik Mujeci sëbashku me familjarët e tij kishin vrarë Genc Mhillaj për shkak të një debati pasi kishte zënë rrugën me kamionçinë.
