Të afërmit dhe aleatët politikë të Alexei Navalny kanë akuzuar Kremlinin se po përpiqet të zhduk çdo provë, pasi tre ditë pas vdekjes së liderit të opozitës në burg, ende nuk dihet vendndodhja e trupit të tij.
Nëna e Navalny, Lyudmila Navalny, dhe avokati i saj udhëtuan për në burgun famëkeq IK-3 “Ujku Polar” në veriun Arktik të Rusisë, në kërkim të trupit të tij. Megjithatë, ata morën informacione kontradiktore për vendndodhjen e tij.
Lexo edhe :
Related Posts
Ndërkohë, më shumë se 360 persona janë arrestuar në Rusi për pjesëmarrje në protesta, teksa zemërimi për vdekjen e tij rritet.
Shefi i politikës së jashtme të BE-së tha se e veja e Navalny, Julia Navalnya, do t’u drejtohet 27 ministrave të jashtëm të hënën.
“Ministrat e BE-së Ata do të dërgojnë një mesazh të fortë mbështetjeje për luftëtarët e lirisë në Rusi dhe do të nderojnë kujtimin e Alexei Navalny”, shtoi Jozep Borrel.
Vdekja e papritur e 47-vjeçarit Navalny ishte një lajm i dhimbshëm për shumë rusë, të cilët i kishin vendosur shpresat për të ardhmen tek kritiku më i ashpër i Presidentit Vladimir Putin .
Navalny vazhdoi të ishte kritik ndaj Kremlinit edhe pasi i mbijetoi helmimit me agjent nervor dhe kreu dënime të shumta burgimi .
Udhëheqësit perëndimorë kanë thënë se ata e konsiderojnë Kremlinin përgjegjës për vdekjen e tij. Joe Biden përsëriti gjatë fundjavës bindjen e tij se Putini është përgjegjës.
“Pavarësisht nëse e ka urdhëruar apo jo, ai është përgjegjës”, tha Biden. “Është një reflektim se kush është ai. Nuk mund të tolerohet”, shtoi presidenti amerikan.
Qindra njerëz në dhjetëra qytete ruse u mblodhën në memorialet e viktimave të represionit politik me lule dhe qirinj të premten dhe të shtunën për të nderuar Navalny.
Policia kishte arrestuar 366 persona në 39 qytete ruse deri të dielën në mbrëmje, sipas organizatës OVD-Info që monitoron ndjekjet politike dhe ofron ndihmë juridike për njerëzit e persekutuar për bindjet e tyre politike./vizionplus.tv/
