Një aksident me tre makina, ku si pasojë ka humbur jetën një 18 vjeçar, është regjistruar gjatë mesnatës në Lushnje.
Ngjarja ka ndodhur në aksin rrugor Fier-Lushnje, në vendin e quajtur Kryqëzimi i “Pushimit te shoferit”.
Sipas policisë, dy automjete tip “Benz” me drejtues shtetasin M.Sh., 22 vjeç dhe G.Q., 33 vjeç të dy banues në Hysgjokaj, Lushnje, janë përplasur me njëri-tjetrin.
Si pasojë e përplasjes në aksident është përfshirë edhe një mjet tip “Jaguar” që drejtohej nga një 33 vjeçar me inicialet G.Q., nga Kopliku.
Nga aksidenti ka humbur jetën në vend shtetasi K.Sh. 18 vjeç, banues në Hysgjokaj, Lushnje. 18 vjeçari ishte pasagjer në automjetin tip Benz që drejtohej nga 22 vjeçari M.Sh.
Gjithashtu dëmtime kanë marë edhe dy drejtuesit e automjeteve, shtetasit M.Sh dhe G.Q të cilët ndodhen në Spitalin e Lushnjes nën kujdesin e mjekëve.
Grupi hetimor po punon për zbardhjen e plotë të ngjarjes.
