Këngëtarja me famë botërore, Dua Lipa, ka hapur “portofolin” për të kompensuar banorët e Palermos që u prekën nga shqetësimet e krijuara gjatë dasmës së saj luksoze në Sicili.
Sipas raportimeve, 30-vjeçarja mbërriti në Itali së bashku me bashkëshortin e saj Callum Turner për një festë 3-ditore me vlerë rreth 1.5 milionë paund, ku morën pjesë edhe emra të njohur si Charli XCX, Troye Sivan, Mark Ronson dhe Donatella Versace.
Lexo edhe :
Festimet kanë “pushtuar” disa zona të qytetit, duke sjellë kufizime në lëvizje dhe reagime nga banorët lokalë. Në disa zona janë shfaqur postera dhe grafite me mesazhin “Palermo is not for rent” (Palermo nuk jepet me qira), si shenjë proteste ndaj përdorimit të hapësirave publike.
Ndërsa një pjesë e qytetarëve dhe kryebashkiaku Roberto Lagalla e kanë parë eventin si mundësi për promovim dhe përfitime ekonomike, të tjerë kanë shprehur pakënaqësi, duke e akuzuar çiftin dhe të ftuarit e tyre për përdorimin e qytetit si hapësirë private.
Në këtë klimë debatesh, është bërë e ditur se Dua Lipa ka vendosur të kompensojë financiarisht disa prej banorëve të prekur nga kufizimet dhe shqetësimet e krijuara gjatë festimeve, duke u përpjekur të zbusë tensionet në qytet.
Dasma e Dua Lipës dhe Callum Turner fillimisht u zhvillua në Londër në një ceremoni zyrtare, ndërsa më pas çifti vijoi festimet në Sicili me të ftuar nga bota e muzikës, modës dhe artit. Pavarësisht polemikave, ngjarja ka marrë vëmendje të madhe mediatike dhe e ka kthyer Palermon në një nga destinacionet më të komentuara të momentit.
/vizionplus.tv
